БМТ Болалар Фонди—ЮНИСЕФ э’лон қилган ҳисоботда айтилишича, Африканинг аксарият давлатларида одам савдоси, айниқса, болалар савдоси авж олмоқда.

Қулликка сотилган қизлар фоҳишалик қилишга ёки болалар қўлига қурол олиб катталар билан бир қаторда жанг қилишга мажбур қилиняпти. Болалар савдоси аёллар савдосига нисбатан кенг кўламга эга. Сотилган ҳар бир катта ёшли қул аёлга икки нафардан қул бола тўғри келяпти. ЮНИСЕФ берган ма’лумотларга кўра, Африка давлатларидан 34 фоизида Европага, 26 фоизида Яқин Шарққа одам сотилади.