Бугун Покистон ҳарбий учқичлари Афғонистон чегараси яқинидаги Вазиристон минтақасида Ал-Қайда террор тармоғига алоқадорликда гумон қилинган жанггариларни бомбардимон қилди.

Ўтган уч кун давомида юз берган тўқнашувларда тақрибан 60 киши¸ жумладан¸ қирққа яқин толиб¸ 15 нафар аскар ва бир қанча оддий фуқаро ҳалок бўлди.
Покистон ҳарбий кучлари матбуот вакили Шавкат Султоннинг айтишича¸ Покистон ҳукумати терроризмга қарши жанг олиб боришга қарор қилган.