Россия Мудофаа вазири Сергей Иванов Грузия-Осетия зиддияти ҳудудидаги тинчликпарвар кучлар ҳарбий техникасини янгилаш амалиёти якунланганлигини билдирди.

Вазирга кўра, аввало Грузиядаги Россия ҳарбий қисмининг техникаси янгиланган, Жанубий Осетиядаги ҳарбий қисмда эса бу иш иккинчи навбатда амалга оширилган.

Шанба куни Грузия ҳукумати бундан икки хафта олдин қўлга олинган ракеталар юкланган иккита юк машинасини Россияга қайтариб берганлиги хабар қилинди.