Эроннинг Курдистон вилоятидаги Негел қишлоғида Қуръони Каримнинг бундан 1 минг 300 йил олдин терига ёзилган нусхаси ўғирлаб кетилди.

Эрон телевидениеси хабарига кўра, Ироқ чегарасига яқин жойлашган мазкур қишлоқ аҳолиси бир ҳафталик норозилик акцияси ўтказган. Улар ҳукумат расмийларидан ўғириларни топишни ва Қуръони Карим нусхаси қишлоққа қайтарилишини талаб қилмоқдалар.
Эроннинг Туризм ва Маданий Меърос Жамғармаси маълумотига кўра, ўғирланган Қуръони Карим нусхаси еттинчи асрда ёзилган.