Ғазо минтақасининг яҳудийлар яшайдиган аҳоли пункти яқинидаги ҳарбийлар масканида юз берган тўқнашувларда Исроил ҳарбийларидан уч киши ва фаластинлик икки жанггари ҳалок бўлди.

Ҳужумлар эрта тонгда¸ туман тушган пайтда юз берди.
Мазкур ҳодисадан бир оз аввалроқ Исроил ҳарбийларига қарашли танк ва булдозерлар вертолëт ҳужумлари ëрдамида Фаластин мухториятидаги Хон Юнус қочқинлар лагерига кирди . Камида 7 нафар фаластинликнинг жароҳат олгани айтилмоқда.

Нью-Йоркда ўтаëтган БМТ Бош ассамблеясининг 59-сессиясида Яқин Шарқдаги “Йўл харитаси” деб ном олган тинчлик ўрнатиш лойиҳаси муаллифлари Исроил ва Фаластин ҳукуматини низоларни тўхтатиш йўлида ҳеч қандай ижобий натижаларга эришмаганлиги учун танқид қилди.