Бугун Исроил расмийларининг маълум қилишича¸ Бош вазир Ариел Шарон фаластинлик ҳамкасби Аҳмад Қурей билан гаплашиб¸ бемор Ясир Арафатнинг даволаниш учун чет элга учиб кетишига рухсат беришга принципда рози бўлди.

Олдин Исроил ҳукумати¸ Арафат Ғарбий соҳилни тарк этса¸ қайтиб келишига рухсат берилмаслиги мумкин¸ деб билдирган эди.
Бугун Арафатнинг шахсий шифокори Ашраф ал-Курдий бошчилигида уч нафар иорданиялик шифокор Арафатни тиббий текширувдан ўтказиш учун Ғарбий соҳилга жўнаб кетди.
Кетишдан олдин Курдий¸ агар Арафат аҳволи оғир бўлса¸ уни даволаш учун чет элга юбориш керак бўлади¸ деган фикрни билдирди.
"Керак бўлса¸ биз уни дунëдаги энг яхши касалхонага ëтқизамиз. Бу унинг аҳволига боғлиқ¸” - деди шифокор Курдий.