Ясир Арафатнинг касаллиги унинг ҳаётига ҳавф солаётгани йўқ, дея хабар берди бугун Фаластин мухторияти етакчисининг ёрдамчиси Набил Абу Рудейна.

Унинг айтишича, ҳозирда Арафат даволанаётган Франция касалхонаси теширувлари натижасида шундай хулосага келинган. Ясир Арафатнинг хасталикдан тузалишини айтар экан, Рудейна бу ҳақдаги бошқа тафсилотларга тўхталмади.
Эслатиб ўтамиз, Фаластин мухториятининг ўтган жума куни соғлиги кескин оғирлашган етакчиси тўлиқ ташҳис учун Францияга жўнатилган эди.