Қорачой-Черкесия республикаси пойтахти Черкесск шаҳри марказида кечадан буён митинг давом этмоқда.

Митинг иштирокчилари республика президенти ҳамда куч ишлатиш салоҳиятига эга идоралар раҳбарияти истеъфосини талаб қилаяпти. Одамлари фикрича, 7 кишининг ўлдирилиши билан боғлиқ жиноятнинг терговига ҳокимият тўсқинлик қилаяпти.
Ўлдирилганларнинг қариндош-уруғлари кеча президент Мустафа Батдиевнинг кабинетига кириб олган эди. Улар хонани бугун ҳам бўшатганлари йўқ.