Коалиция қўшинлари Ироқда олиб борган кенг миқёсли амалиётлар давомида жанггарилар билан алоқаси бор, деб гумон қилинган 210 кишини қўлга олди.

АҚШ ҳарбийлари Фаллужа шаҳри атрофидаги йўлларни исёнчиларнинг яшириниши олдини олиш мақсадида кучли назорат остига олган.

Кеча Мосул шаҳрида ўтказилган амалиёт давомида АҚШ ҳарбийлари 17 жанггарини қўлга олди.

Ироқ шаҳарларидаги рейдлар 30 январга режалаштирилган умумхалқ сайлови олдидан хавфсизликни таъминлаш учун ўтказилмоқда.