Украина президенти Леонид Кучма Бош вазир Виктор Януковичнинг истеъфосини қабул қилди ва унинг муовини Николай Азаровни ҳукуматнинг муваққат раислигига тайинлади.

Украина парламенти декабрнинг бошида мухолифат ташаббуси билан вазирлар маҳкамасига ишончсизлик билдириш тўғрисида қарор қабул қилган, бироқ Янукович амалдан кетишни истамаётган эди.
Украина президентлигига сайловнинг расмий натижалари ҳанузгача эълон қилинмади. Дастлабки натижаларга кўра, сайловда мухолифат кўрсатган номзод Виктор Юшченко ғалаба қилган.