Бугун Кобулда донор давлатлар халқаро конференцияси ўз ишини бошлади. Конференция очилишида сўзга чиққан президент Хамид Карзай Афғонистон бундан уч йил олдин Толибон режими қулаганидан сўнг анчайин ютуқларга эришганини таъкидлади.

Бироқ шу билан биргаликда, Карзай Афғонистон ҳали ҳам қашшоқлик, коррупция ва наркотиклар савдоси каби кўплаб жиддий муаммоларга рўпара бўлаётганини айтди.
Афғонистонни ривожлантириш форуми, деб номланган уч кунлик анжуман қатнашчилари мамлакатни қайта тиклаш стратегияларини муҳокама этди.