АҚШ Давлат котиби Кондолиза Райс жорий ойда Осиë мамлакатларига қиладиган сафари давомида Таиландга ҳам ташриф буюради.

Таиланд расмийларининг билдиришича¸ Райснинг бу мамлакатга сафари 11 ва 12 июл кунлари амалга оширилади.
Осиë сафари давомида Райс Хитой¸ Япония ва Жанубий Кореяга ҳам ташриф буюради. Ушбу давлатлар расмийлари билан музокараларда Шимолий Кореянинг ядровий дастури юзасидан олиб бориладиган олти томонлама музокараларга Пхенянни қайта иштирок этишга ундаш масаласи муҳокама этилиши кутилмоқда.