Саудия қироли Абдуллоҳ мусулмон мамлакатлари етакчиларини экстремизмга қарши бирлашишга чақирди.

Абдуллоҳ бу ҳақда Маккада ўтаëтган Ислом конференцияси ташкилоти саммитида гапирди.
Абдуллоҳга кўра¸ экстремистлар Исломни суистеъмол қилмоқда. Абдуллоҳ шунингдек¸ экстремизмнинг тарқалиши ер юзидаги исломий ҳаракатлар сусайишига ва бўлинишига сабаб бўлганини айтиб¸ бағрикенгликни рағбатлантириш учун маърифатга кўпроқ эътибор беришга чақирди.
Макка йиғилишида ташкилотга аъзо 57 мамлакат расмий вакиллари иштирок этмоқда.