Исроил Бош вазири Ариэль Шароннинг ҳаётига бевосита хавф йўқолди, деб ҳисобламоқда докторлар.

Бош вазирни наркоз билан таъминлаш батамом тўхтатилди ва у секин-аста сунъий кома ҳолатидан чиқмоқда. Шарон танасининг ўнг томони ҳам, чап томони ҳам ишлаяпти. У ўғилларининг овозини танияпти.
Бироқ Шароннинг организмига бир ҳафта аввал юз берган инсульт қандай таъсир кўрсатганлиги бир неча кундан кейингина аниқланиши мумкин.