Телефон орқали сўзлашув пайтида Путин Юшенкони 26 мартда ўтказилган парламент сайловлари тугагани билан табриклади. Ахборот агентликлари хабарига кўра, Путин парламент сайлови Украина фуқароларининг асосий қисми Россия билан алоқаларни кенгайтириш истагида эканини кўрсатганини айтган. Суҳбат чоғида президент Путиннинг жорий йил охирида Украинага қилажак сафари масаласи ҳам муҳокама қилинган.
