Қароргоҳи Венада жойлаган Халқаро Хелсинки федерацияси Қозоғистон ҳукуматини демократик ёшлар гуруҳлари фаолиятига тўсқинлик қилаётгани учун танқид қилди.

Федерациянинг билдиришича, Қозоғистон ҳукумати бир қанча ёшлар ташкилотини рўйхатга олмаган, уларнинг йиғилиш ўтказишига халал берган ва ёш фаолларни университетдан ҳайдашга таҳдид қилган.
Инсон ҳуқуқлари ташкилоти бу Қозоғистонда 2005 йил декабрда ўтказилган президент сайловидан олдин мухолифатга нисбатан бошланган тазйиқ кампаниясининг бир қисми бўлиши мумкинлигидан хавотир билдирди.