Агар Тошкент расмийлари инсон ҳуқуқларини яхшилаш борасида жиддий чоралар кўрса, Европа Иттифоқи бу мамлакатга қарши санкцияларни юмшатиши мумкин.

Бу ҳақда ЕИ ташқи сиёсат ва хавфсизлик масалалари мутасаддиси Ҳавьер Солана маълум қилди.
“Ўзбекистонга нисбатан жорий қилинган баъзи санкциялар ўз кучида қолди, баъзилари ўзгартирилди. Чунки Ўзбекистон биз қўйган шартлар бўйича иккита қарор қабул қилди. Бу қарорлар амалга ошиш ёки ошмаслигига қараб биз санкцияларни ўзгартирамиз”, - деди Ҳ.Солана.
Аммо у Ўзбекистон қандай қарорлар қабул қилганини ойдинлаштирмади.