Халқаро хабарлар

1 декабрь – ОИТСга қарши кураш халқаро куни муносабати билан чиқиш қилган БМТ бош котиби Кофи Аннан бу курашда муваффақиятга эришиш ҳар бир давлат раҳбарига, сиёсатчилар ва ОИТСга чалинган одамларнинг ўз касаллигини бошқаларга юқтирмаслик масъулиятини ҳис қилишига боғлиқлигини айтди.

“Бу касаллик илк бора аниқлангандан 25 йил мобайнида ОИТС дунёни ўзгартириб юборди. 25 миллион одам унинг қурбони бўлди ва 40 миллионга яқин кишига инфекция юқди. 21-аср вабоси авлодларимиз учун энг катта синов бўлди”, - деди Кофи Аннан.
БМТнинг ОИТСга қарши кураш ташкилоти тахминига кўра, жорий йилда ОИТВни юқтирган одамлар сони 4,3 миллионга етиши мумкин.