Лондондаги шифохонада вафот этган собиқ рус жосуси Александр Литвиненко билан ўтган ойда учрашган италиялик Марио Скарамелла радиациядан заҳарлангани йўқ ва соғлом.

Уни текширган шифокорлар шундай хулосага келди. Аввалроқ Лондондаги шифохона вакиллари М.Скарамелла организмида полоний-210 моддаси излари борлигини билдирган эди. Мазкур радиоактив модда А.Литвиненконинг ўлимига сабаб бўлгани айтиб келиняпти.