Тожикистон ҳукумати Россиянинг “РусАл” компаниясини қиймати бир миллиард долларлик гидроэлектр станцияси лойиҳасини амалга оширишни тўхтатиб қўйганликда айбламоқда.

Тожикистон Энергетика вазири Шерали Гуловга кўра, “РусАл” “Рогун” электр станцияси қурилишини тугатиш бўйича 2004 йилда имзоланган шартноманинг хатто битта бандини бажармаган. Шерали Гулов Тожикистон президенти Имомали Рахмонов мазкур электр станциясини “РусАл” ёрдамисиз қуришга қарор қилганини сўзига қўшимча қилди. “РусАл” расмийлари ҳозирча бунга муносабат билдиргани йўқ.