“Келаси ойлар давомидаги вазифамиз Ироқ ҳукумати иқтисодий ва бошқа соҳаларда муҳим масалаларни ҳал қилишига имконият яратиш учун хавфсизлик билан боғлиқ вазиятни яхшилашда Ироқ кучларини қўллаб-қувватлаш ва улар билан бирга ишлашдан иборат”, - деди Бағдодда қилган чиқишида Дэвид Петреус.
Бағдоддан шимоли-шарқда жойлашган Дияла вилоятида эса 9 февраль куни содир этилган портлаш оқибатида америкалик уч ҳарбий нобуд бўлди, тўрт нафари яраланди. Бу билан февраль ойининг биринчи ўн кунида Ироқда ҳалок бўлган АҚШ ҳарбийлари сони 36 тага етди.