Йиғилишни очган Германия канцлери Ангела Меркел дунё ҳозирда дуч келаётган энг катта хавф глобал иқлим исиши эканини таъкидлади. У ҳукуматларни бу жараённи тўхтатиш учун жиддий чоралар кўришга чақирди. Германия раҳбари Эроннинг ядровий қурол яратишига имконият бермаслик ҳақида халқаро ҳамжамият якдил эканини таъкидлади. Икки кунлик халқаро анжуманда 250га яқин делегат, жумладан, 40 нафар мудофаа ва ташқи ишлар вазирлари иштирок этмоқда.
