Россиянинг Ставропол вилоятида милиция ходимлари ва қуролланган шахслар ўртасида рўй берган отишмада милициянинг бир ходими ва бир жиноятчи ҳалок бўлди.

Икки милиционер жароҳатланди ва икки жиноятчи ҳибсга олинди. Хабарларга кўра, милиция ходимлари Нефтекумск шаҳридаги хонадонларнинг бирида истиқомат қилувчи шахсларни текширишни режалаштирган. Бироқ хонадонда бўлган шахслар милиция ходимларига қарата ўт очган.