АҚШ Конгресси Вакиллар палатаси раиси Нэнси Пелосининг Яқин Шарқ минтақасига сафари чоғида унга Конгресснинг биринчи мусулмон аъзоси Кейт Эллисон ҳам ҳамроҳлик қилмоқда.

АҚШ делегациясининг Исроил бош вазири Эҳуд Олмерт ва Фаластин президенти Маҳмуд Аббос билан учрашиши режаланган. 1 апрель куни эса Пелоси хонимнинг Исроил парламенти – Кнессет аъзоларига мурожаат қилиши кутилмоқда. Бу делегация Сурия, Ливан ва Саудия Арабистонига ҳам сафар қилади.