Европа Иттифоқи делегацияси Андижон воқеаларидан сўнг Ўзбекистонга қарши жорий қилинган санкциялар келажагини муҳокама этиш мақсадида Тошкентга келди ва мамлакат расмийлари билан музокара ўтказди.

Германиянинг Тошкентдаги элчихонаси музокаралар ўтаётганини тасдиқлади, аммо унинг тафсилотлари ошкор этилгани йўқ. ЕИ санкциялар бекор қилиниши учун Ўзбекистон ҳукуматидан Андижон воқеалари юзасидан мустақил халқаро текширув ўтказишни талаб қилиб келмоқда.