Бағдоддаги навбатдаги қўпорувчилик ҳаракатлари оқибатида 30дан ортиқ фуқаро ҳалок бўлди.

Бағдодда рўй берган портлашлардан бирида ҳарбий хизматга ариза топширгани келган фуқаролардан 23 нафари қурбон бўлди.

АҚШ расмийлари Бағдодда Америка элчихонасида ишлаган ироқлик эр-хотиннинг жасади топилганини билдирди. Бу қотиллик учун масъулиятни “Ироқ ислом давлати” жангарилари ўз зиммасига олди.

Айни пайтда Ироқ расмийлари Туз Хурмато шаҳридаги шанба кунги портлаш қурбонлари сони 130 кишини ташкил этганини маълум қилди.