Ўзбекистонда Озодлик сайтига тўсиқ қўйилгани боис унга кириш имкони йўқлигидан муштарийлар ҳамон арз қилмоқда. 3 минут вақтингизни сарфлаб, телефонингизга бепул VPN иловасини юкланг ва тўсиқсиз Озодликка киринг!
********************************************
Эътиборингизга ҳавола қилинаётган Psiphon 3 дастури юқори малакали мутахассислар томонидан www.ozodlik.org сайти учун махсус ишлаб чиқилди.
Psiphon 3 нима?
Psiphon 3 бу Psiphon Inc. компанияси томонидан яратилган VPN ва HTTP прокси серверлар ёрдамида Интернетга айланма йўл билан кириш имконини берадиган янги воситадир. Psiphon 3 клиенти автоматик тарзда Интернетга киришнинг янги айланма йўлларини топиб, қўйилган тўсиқларни четлаб ўтиш имконини оширади.
Psiphon 3 ни қаердан топишим мумкин?
Psiphon 3 клиент дастурини юклаб олиш учун мана бу линкни босинг ёки ozodlik@ozodlik.info манзилига имэйл юборинг. Бунда имэйлни ҳеч нарса ёзмасдан, бўш ҳолатда юборсангиз ҳам бўлади, сизга юборилган жавоб хатида Psiphon 3 дастурига доир линклар ва изоҳ берилади.
Psiphon 3 дастурини ишлатиш учун компьютерингизда Windows XP, Windows Vista ёки Windows 7 дастури бўлиши керак. Mac OS X ва мобил платформалар, жумладан Android учун Psiphon 3 дастури устида иш олиб борилмоқда!
Psiphon 3 ни очиқ манбалардан ҳам бепул юклаб олиш мумкин. Манба коди ва унга оид ҳужжатларни project home page сайтидан топишингиз мумкин.
Psiphon 3 ни қандай ўрнатаман?
Psiphon 3 клиент дастурини компьютерга юклаб олиб, ўрнатинг. Дастурни ўрнатганда, унинг Psiphon Inc. компаниясига доир қонуний маҳсулоти эканлигини англатувчи ёзув пайдо бўлади.
Дастурнинг Psiphon Inc. компаниясига доир қонуний маҳсулоти эканлигига эътибор беринг.
Дастур ўрнатилиши биланоқ Psiphon 3 автоматик тарзда Интернетга уланади. Уланаётганини англатувчи икона пайдо бўлади.
Бу белгини кўрсангиз, демак Psiphon 3 ишлай бошлади.
Яшил иконанинг пайдо бўлиши эса Psiphon 3 тўсиқни олиб ташлаб, сизни аллақачон Озодлик сайтига олиб кирганини англатади.
Psiphon 3 Озодликка қўйилган тўсиқни олиб ташлади.
Дастурни ёпганингизда, Psiphon 3 автоматик тарзда алоқадан узилади. Алоқа каналини ўзгартириш учун тегишли белгини босишингиз мумкин.
Баъзан VPN протоколи тўсилган бўлиши мумкин, бу ҳолда 20 секунд ўтгач, Psiphon 3 автоматик тарзда SSH канали орқали HTTP ва SOCKS прокси серверлар орқали кириш йўлларини таклиф қилади. Бу режимда Интернет трафикнинг ҳаммаси Psiphon 3 орқали ўтмайди, айрим иловалар ўтади холос. Psiphon 3 Windows тизимидаги прокси тартибини автоматик равишда барча оммабоп браузерлар тан оладиган режимга мослайди.
Psiphon 3 дастури Интернет фойдаланувчилари йўлидаги ҳар қандай ғовни олиб ташлайди.