2014 йилнинг 3 март куни пойтахт бозорларидаги нархлар мобиль мухбирларимиз томонидан ўрганилди ва маҳсулотлар нархида ҳафталик нисбий кўрсаткичлар турғун ҳолатни акс эттирди.
Мобиль мухбирларимизнинг таъкидича, пойтахт бозорларида шу йилнинг 1 мартидан бошлаб патта нархлари 1,1 фоизга оширилди. Аммо бу жараён маҳсулотлар нархига деярли таъсир кўрсатмади.
Пойтахтдаги “Чорсу” бозори гўшт растаси ходими Ғиёс Умарбековга кўра, гўшт нархи кейинги ҳафтада 500-1000 сўмгача тушиши мумкин. Умарбеков бу ҳолатни Қашқадарё ва Самарқанд вилоятларидан сўйиладиган қўй ва молларнинг бозорларга кўпроқ келтирилаётгани билан изоҳлади.
Аксинча, Чирчиқ броллер фабрикаси ходимаси Сарвара Фозиловага кўра, парранда гўшти нистабан қимматлайди, аммо тухум нархи тушиши кутилмоқда. Кунлар исиши билан тухум миқдори кўпаяди, бироқ товуқларнинг сезиларли даражада вазн йўқотиши кузатилади.
“Қўйлиқ” деҳқон бозоридаги гуруч растаси сотувчиси Рая Кимнинг таъкидича, гуруч нархи Наврўз байрамигача деярли ўзгаришсиз қолади. Ким бу вазиятни аҳоли орасида гуруч харидининг пасайгани билан изоҳлади.
Пойтахт бозорларидаги маҳсулотларнинг 3 март кунги нархини қуйидаги жадвалдан ўрганиш мумкин:
|
Бозор / Маҳсулот тури |
“Қўйлиқ” бозори |
“Чорсу” бозори |
“Олой” бозори |
“Фарҳод” бозори |
| Қўй гўшти (кг) | 19 000-23 000 сўмгача | 18 000-22 000 сўмгача | 20 000-24 000 сўмгача | 19 000-24 000 сўмгача |
| Мол гўшти (кг) | 18 500-22 000 сўмгача | 17 000-20 000 сўмгача | 19 000-24 000 сўмгача | 18 000-23 000 сўмгача |
| Парранда гўшти (кг) | 9 000-13 000 сўмгача | 10 000-14 000 сўмгача | 10 000-14 000 сўмгача | 9 500-13 000 сўмгача |
| Гуруч (аланга) | 2800-3600 сўмгача | 2500-3500 сўмгача | 3000-4000 сўмгача | 2900-3500 сўмгача |
| Пахта ёғи “Олмос” (литри) | 4200-5500 сўмгача | 4200-5500 сўмгача | 4200-5500 сўмгача | 4200-5500 сўмгача |
| Ун (Олтин дон) | 1900 сўм | 1900 сўм | 2000-2200 сўмгача | 2000 сўм |
| Картошка (оммабоп Санта нави - кг) | 1500-1900 сўмгача | 1700-1900 сўмгача | 1800-2100 сўмгача | 1600-1900 сўмгача |
| Пиёз (кг) | 450-750 сўмгача | 500-1100 сўмгача | 700-1400 сўмгача | 500-800 сўмгача |
| Тухум (донаси) | 300-450 сўмгача | 280-420 сўмгача | 320-480 сўмгача | 280-400 сўмгача |
“Қора бозор”да сўмнинг хориж валюталарига нисбатан қиймати:
| Валюта операцияси/номи | АҚШ доллари | Россия рубли | Қозоғистон тенгеси |
| харид | 2910 сўм | 84,2 сўм | 19 сўм |
| сотув | 2930 сўм | 86 сўм | 21 сўм |