Талабалар қабул қилишнинг умумий кўрсаткичлари 2021 йилгача босқичма-босқич равишда 18 фоизгача оширилиши лозим.
Бу ҳақда Ўзбекистон Президенти Шавкат Мирзиёев 20 апрель куни имзолган «Олий таълим тизимини янада ривожлантириш чора-тадбирлари тўғрисида"ги қарорда айтилган.
Президент қарори билан олий таълим даражасини сифат жиҳатидан ошириш ва тубдан такомиллаштириш, олий таълим муассасалари моддий-техника базасини мустаҳкамлаш ва модернизация қилиш, уларни замонавий ўқув-илмий лабораториялари, ахборот-коммуникация технологиялари билан жиҳозлаш мақсадида Олий таълим тизимини 2017−2021 йилларга мўлжалланган комплекс ривожлантириш дастури тасдиқланди.
Бугунги кунда ҳар йиллик қабул квотаси, хорижий ОТМлар филиаллари ҳисобга олинмаганда, 63 минг нафарга яқинроқни ташкил этиши айтилган ҳужжатда.