"Харви" довули билан бошланган кучли ëғингарчилик оқибатида АҚШнинг тўртинчи йирик шаҳри Ҳьюстонда минглаб одам эвакуация қилинди. Сув тошқини оқибатида ҳозирга қадар беш одам нобуд бўлди¸ ўнлаб одам бедарак йўқолди.
Довул ва сув тошқини муносабати билан Техас штатида фавқулодда ҳолат эълон қилинди – мактаб¸ аэропорт ва заводлар ўз ишини тўхтатди. Дунëнинг йирик нефть компаниялари жойлашган штатдаги табиий офат оқибатида АҚШ бўйлаб бензин тақчиллиги бошланиши тахмин қилинмоқда.
Метеорологлар прогнозига кўра¸ ҳафта охирига қадар Техаснинг айрим ҳудудларига ëққан ëмғир сатҳи бир метргача боради. Буэса мазкур ҳудудда бир йилда ëғадиган ëмғир нормасига тенгдир.
Табиий офат оқибатида етказилган зарарнинг 40 миллиард долларга етгани тахмин қилинмоқда.
"Харви" довули кейинги 12 йил ичида АҚШда кузатилган энг ҳалокатли офат деб баҳоланмоқда.
2005 йили Нью Орлеанга ëпирилган Катрин довули оқибатида 1800 одам нобуд бўлган эди.