“Аққия-автодорожний” назорат-ўтказиш маскани ходимлари қирғиз-ўзбек чегарасидан ноқонуний ўтмоқчи бўлган ўзбекистонликни қўлга олишди.
Қирғизистон Давлат чегара хизмати маълумотига кўра, 6 май куни чегарачилар НЎМдан ўтаётган 30 ёшли қирғизистонликнинг Hyundai Starex автомобилини текшираётганларида юкхонадан Ўзбекистон ватандоши топилган.
Суриштирув чоғида ўзбекистонликнинг ёнида чегарадан ўтишга имкон берувчи ҳужжатлар бўлмагани аниқланган.
Тегишли ҳужжатлар расмийлаштирилганидан кейин қўлга олинган қирғизистонлик ҳам, ўзбекистонлик ҳам Қирғизистон Давлат миллий хавфсизлик қўмитасининг маҳаллий бўлинмаси ходимларига топширилган.