Адлия вазирлиги 30 ноябрь куни ўтказган “Адлия ахбороти” брифинги ва матбуот анжуманида 2019 йилда жами 15 минг 10 та арзон уй-жойлар ва квартиралар қурилиши айтилди.
Расмий маълумотга кўра, қурилаётган уйларнинг 11 минг 70 таси муҳтож оилаларга мўлжалланган.
Шунингдек, келгуси йилда алоҳида тоифалар - Мудофаа вазирлиги, Миллий гвардия ҳарбий хизматчилари ва ички ишлар органлари ходимлари учун 2 минг 10та квартира қурилади.
Брифинг давомида яна 15 та қонун ҳужжати, жумладан, “Тадбиркорлик ва инновациялар соҳасидаги лойиҳаларни молиялаштириш механизмларини такомиллаштириш бўйича қўшимча чора-тадбирлар тўғрисида”, “Божхона маъмурчилигини такомиллаштириш ва Ўзбекистон Республикаси давлат божхона хизмати органлари фаолияти самарадорлигини ошириш бўйича қўшимча чора-тадбирлар тўғрисида”ги президент фармонлари тақдим қилинган.