Маҳаллий аëлнинг марказий осиëлик муҳожир томонидан зўрлангани ҳақидаги хабарлардан кейин кучайиб кетган мигрантларга қарши акциялар сабаб 19 март куни Ëқутистонда 80 дан ошиқ автобус ҳайдовчиси ишга чиқмади.
Маҳаллий матбуотнинг ëзишича¸ 18 март куни мигрант-ҳайдовчилар калтаклангани ортидан ўз хавфсизлигидан чўчиган муҳожир ҳайдовчилар ишга чиқмаган.
Якутск ягона диспетчерлик хизмати шаҳардаги 430 йўналишдаги автобусдан 90 га яқини юрмаëтгани¸ айни пайтда 19 март куни вазиятнинг тинчигани ва бошқа зўравонлик ҳолатлари қайд этилмаганини билдирди.
Муҳожир ҳайдовчиларнинг ишга чиқмагани баробарида марказий осиëликларга қарашли мева-сабзавот дўконларининг ҳам 19 март куни ëпиқ қолаëтгани¸ меҳнат муҳожирлари ҳужжатларининг текширилаëтгани айтилмоқда.
Хабарларга кўра¸ Ëқутистон полицияси маҳаллий аëлни зўрлаганликда гумонланаëтган уч шахсни қўлга олгани ва ушланганлардан бирининг жиноятга иқрор бўлган. Ҳозирча ушланганлар шахсига оид маълумот очиқланмади.