Наманганда суд ўз холасининг 50 000 000 сўмлик тилла буюмларни ўғирлаган ёш йигит ишини кўриб чиқиб, унга ишлаган иш ҳақининг 20 фоизини давлат даромади ҳисобига ўтказган ҳолда уч йил муддатга ахлоқ тузатиш ишлари жазоси тайинлади. Бу Наманган вилоят судидан олинган маълумотга таяниб, gazeta.uz хабар қилди.
Маълум бўлишича, йигит холасининг темир сейфидан тилла буюмларни ўғирлаганидан сўнг, хола тиллалари йўқолгани тўғрисида ИИБга хабар берган. Ўғирлик қилган йигит ўша куниёқ тилла буюмларни олган жойига қайтарган ва ўзи ички ишларга таслим бўлиб, қилмишини бўйнига олган.