Россиянинг Томск вилоятида 21 январь кунги ёнғин оқибатида ҳалок бўлган икки ўзбекистонликнинг жасади ватанига қайтарилди. Бу ҳақда Кун.уз хабар қилади.
Ўн кун муқаддам содир бўлган ёнғинда 12 нафар ўзбекистонлик ҳалок бўлган бўлиб, улардан 10 нафарининг жасади 26 январь куни Ўзбекистонга олиб келинганди.
Қайд этилишича, ДНК натижаларига кўра, олиб келинган марҳумлардан бири китоблик Раҳмонов Шуҳрат экани маълум қилинган. Наманган аэропортига келтирилган Музаффаржон Мамажоновнинг жасади эса Андижон вилоятига жўнатилган.
Кечаги рейс билан ёнғин чоғида тирик қолган навоийлик Н.М. ҳамда Р.Д. ҳам Ўзбекистонга қайтган. Аммо журналистлар улар билан учрашишга муваффақ бўлолмаганлар.