Ўзбекистон маданият вазири Озодбек Назарбеков Юнус Ражабий номидаги Ўзбек миллий мусиқа санъати институти ректори лавозимига тайинланди.
Маданият вазирлиги матбуот хизмати тарқатган маълумотга мувофиқ, эндиликда О. Назарбеков вазирлик билан ректорлик фаолиятини биргаликда давом эттиради.
Президент фармонига биноан Ўзбекистон давлат консерваториясининг “Ўзбек мақом санъати факультети” ҳамда Ўзбекистон давлат санъат ва маданият институтининг тегишли таълим йўналишлари ва мутахассисликлари негизида мақом ижрочилиги, бахшичилик ва катта ашула йўналишлари бўйича кадрлар тайёрловчи таянч олий таълим муассасаси – Юнус Ражабий номидаги Ўзбек миллий мусиқа санъати институти ташкил этилиши ҳақида Озодлик ўтган ой охирида хабар қилганди.
Ўзбекистонда таниқли қўшиқчи Озодбек Назарбеков жорий йил январида маданият вазири лавозимига тайинланганди.