Тошкент вилояти бош имом-хатиби Хайруллоҳ домла Турматов ўлимига коронавирус сабаб бўлган.
Бу ҳақда Ўзбекистондаги бир қанча нашрлар имомнинг қариндошларига таяниб хабар берди.
Ўзбекистон Соғлиқни сақлаш вазирлиги ҳам марҳумнинг номини коронавирус қурбонлари рўйхатига қўшган.
Турматов 16 сентябр куни вафот этгани ҳақда Ўзбекистон мусулмонлари идораси хабар берган, лекин имомнинг вафоти ҳақидаги хабарда унинг ўлимига нима сабаб бўлганини очиқланмаган эди.
47 ёшли Хайруллоҳ домла Турматов Имом Бухорий номидаги Тошкент ислом институтида таълим олган, Тошкент вилоятидаги «Четсув», «Қорабоғ», «Зангиота» жоме масжидлари имом-хатиби, Ангрен шаҳри бош имом-хатиби вазифаларида ишлаган.