Тошкентнинг Зангиота туманидаги ковид-марказ беморлар билан тўлгани хабар қилинмоқда.
Марказ раҳбари Олимжон Исоқов 2 минг беморга мўлжалланган шифохонада ҳозирда коронавирусга чалинган 2 ярим мингдан ортиқ касал борлигини тасдиқлади.
Исоқов маҳаллий журналистларга ҳар куни марказга 350 га яқин бемор ётқизилаётгани ва ҳозир қабул тўхтатилганини айтган
Ижтимоий тармоқда тарқалган видеоларда тўрт кишилик палаталарда олти-саккиз бемор ётганини кўриш мумкин.
Зангиота 2-сон юқумли касалликлар шифохонасида ковид-марказ ўтган йили очилганди.
Айни пайтда Ўзбекистонда коронавирусга чалиниш холатлари ортиб борар экан Тошкент шаҳар ҳокими Жаҳонгир Ортиқхўжаев тўртта ковид-марказни қайта очишга буйруқ берган.