АҚШ ва Британия россиялик мухолифатчи сиёсатчи Алексей Навальнийнинг заҳарланишига алоқадор деб ҳисобланган Россия Федерал Хавфсизлик Хизмати (ФСБ) нинг 7 нафар зобитига санкция киритди, деб хабар беради Британия ҳукумати сайти.
Буюк Британиянинг санкциялар рўйхатига Александров (Алексей Фролов), Владимир Паняев, Иван Осипов (Иван Спиридонов), Владимир Богданов, Кирилл Василев, Станислав Макшаков, Алексей Седовлар киритилди.
АҚШ рўйхати фақат Кирилл Василев ўрнига Константин Кудрявцевнинг борлигидан фарқ қилади.
2020 йил 20 август куни мухолиф сиёсатчи Алексей Навальний Томскдан Москвага учган пайтда у минган самолёт зудлик билан Омскга қўнди.
Навалний бортда ўзини ёмон ҳис қила бошлади ва кейин ҳушини йўқотди.
У шаҳар клиник тез тиббий ёрдам шифохонасининг токсикологик реанимация бўлимида сунъий комага ётқизилди.
Кейинчалик, Бундесвер лабораторияси ва ундан мустақил равишда Франция ва Швеция мутахассислари Навальний асаб қўзғатувчиси Новичок билан заҳарланганини аниқладилар.
Мавзуга алоқадор Путиннинг ашаддий мухолифи Алексей Навальний заҳарланганига бир йил тўлдиThe Insider, Bellingcat ва CNN канали Навальнийнинг заҳарланиши ортида ФСБ суд экспертизаси институти билан боғлиқ саккизта тезкор ходим турган бўлиши мумкин деган хулосага келишганди.