Россиядаги “Вагнер” хусусий ҳарбий ширкати асосчиси, президент Путинга яқин деб кўрилган петербурглик тадбиркор Евгений Пригожин Украинанинг Солeдар шаҳри тўлиқ назоратга олинганини, 500 га яқин украин аскари ҳалок бўлганини даъво қилди.
Украина президенти Владимир Зеленский бу даъволарни инкор қилиб, жанглар ҳануз давом этаётганини билдирган:
"Террорчи давлат ва унинг тарғибот машинаси Соледар шаҳрининг босқинчилар томонидан деярли бутунлай вайрон қилинган бир қисмини Россиянинг қандайдир ғалабаси сифатида кўрсатишга ҳаракат қилмоқда" .
Сунъий йўлдошдан олинган тасвирларда Солeдар ва Бахмутдаги вайронагарчиликларни кўриш мумкин. Ҳозирда мазкур икки шаҳар Россия билан шиддатли жанглар марказига айланган.
Махаr Теchnologies компанияси тақдим этган суратларда Солeдардаги куйиб кулга айланган аҳоли пунктлари, Бахмутда эса ракета снарядлари қолдирган излар акс этган.
Озодлик уруш шароитида томонлар берган маълумотларни мустақцил текшириш имконига эга эмас.
Агар Россия кучлари Солeдарни эгаллайдиган бўлса, бу Москва учун шарқий Донбасс минтақасини, жумладан, Бахмутни қўлга киритиш йўлидаги йирик қадам бўлиши мумкин.