АҚШнинг Мэриленд штатида жойлашган Балтимор шаҳрида автомобиллар ўтишига мўлжалланган тўрт полосали кўприкнинг бир қисми қулаб тушган. Патапско дарёси узра қурилган кўприк қулашига унинг таянч қисмига юк кемаси бориб урилгани сабаб бўлган. Хабарларга кўра, ҳодиса 26 мартнинг илк соатларида содир бўлган.
The Francis Scott Key Bridge in Baltimore, Maryland which crosses the Patapsco River has reportedly Collapsed within the last few minutes after being Struck by a Large Container Ship; a Mass Casualty Incident has been Declared with over a Dozen Cars and many Individuals said to… pic.twitter.com/SsPMU8Mjph
— OSINTdefender (@sentdefender) March 26, 2024
Кўприк қулаган пайтда унинг устида ўндан зиёд автомобиль бўлгани айтилмоқда. Associated Press агентлигининг хабар қилишича, қутқарувчилар сувга тушиб кетган бўлиши мумкин бўлган камида етти кишини қидиришмоқда.
Контейнер ташийдиган ва Сингапур байроғи остида сузувчи “Дали” кемаси кўприк устунига урилганидан кейин чўкиб кетган. Кема чўкишидан олдин унда ёнғин чиққани айтилмоқда.
Икки ярим километрга узанган кўприк 1977 йилда қурилган бўлиб, унга АҚШ давлат мадҳияси муаллифи Фрэнсис Скотт Ки номи берилган эди.