Braziliya janubida kuzatilgan kuchli toshqin kamida 107 kishining umriga zomin bo‘ldi, yana 136 nafar kishi bedarak yo‘qoldi.
Hududda qutqaruv ishlari davom etmoqda. 9-may kuni qutqaruvchilar suv bosgan uy tomida ikki sutkaga yaqin qolib ketgan otning yoniga yetib borishgan.
A horse was found stranded on a rooftop in a flooded area in Brazil%27s Rio Grande do Sul on Wednesday. Authorities said the death toll had risen to 90 with another four deaths being investigated, while 131 people were still unaccounted for and 155,000 were left homeless. pic.twitter.com/nKNWLyt5XZ
— CBS News (@CBSNews) May 8, 2024
Toshqindan jabr ko‘rgan Riu-Grandi-du-Sul shtatida yashovchi 165 mingdan ziyod odam qayiq va vertolyotlar yordamida suv bosgan uylarini tark etishga majbur bo‘lishgan. Toshqin shtat ma’muriy markazi bo‘lmish Portu-Alegri shahriga eltadigan yo‘lni to‘sib, infratuzilma obyektlari va ko‘priklarni ishdan chiqargan. Reuters agentligining xabar qilishicha, Portu-Alegrida do‘konlarning peshtaxtalari bo‘shab qolgan, tunlari esa o‘g‘riliklar sodir bo‘lmoqda.
O doguinho em cima de um mísero pedaço de muro em Canoas, Rio Grande do Sul, e sendo resgatado. pic.twitter.com/RHuPdYaOq2
— Sérgio Santos (@ZAMENZA) May 8, 2024
Shtat rasmiylari fermer xo‘jaliklariga ham zarar yetkazgan toshqindan keyingi tiklanish ishlari uchun, dastlabki hisob-kitoblarga ko‘ra, kamida 3,7 milliard dollar miqdorida mablag‘ lozimligini bildirishgan. Federal hukumat tabiiy ofat oqibatlari ko‘lamini suv chekinishi bilan baholash niyatida ekanini qayd etgan.
Yaqin kunlar ichida Riu-Grandi-du-Sul shtatida shiddatli yog‘in-sochin kuchayishi taxmin qilinmoqda, bu esa suv sathining yanada ko‘tarilishiga olib kelishi mumkin.