Ўзбекистонда аҳолини табиий газ билан таъминлаш, Энергетика вазирлиги иддаосига кўра, барча ҳудудларда 100 фоизга тикланган.
Вазирлик хабарномасида, 28 январь соат 11:00 ҳолатига кўра, Қорақалпоғистон Республикаси, мамлакатдаги 12 та вилоят ҳамда пойтахт Тошкентга табиий газ тўлиқ етказиб берилаётгани айтилган, бироқ узатилаётган газ босими қандайлигига аниқлик киритган эмас.
Айни пайтда энергетиклар жума куни соат 11:00 дан 16:00 га қадар таъмирлаш ишлари олиб борилиши туфайли Тошкент шаҳрининг Юнусобод ва Олмазор туманларидаги иккита маҳаллада табиий газ таъминоти вақтинча тўхтатилишини қўшимча қилганлар.
Аввалроқ расмийлар 27 январь куни соат 16:00 дан бошлаб мамлакатнинг барча ҳудудларида электр энергияси таъминоти тўлиқ тиклангани тўғрисида маълумот тарқатишган эди.