Ширин шаҳар суди 10 яшар фарзандининг кўзи ўнгида хотинини чавақлаган эркакни 18 йилга озодликдан маҳрум қилиш ҳақида ҳукм чиқарди. Бу ҳақда Олий суд матбуот хизмати маълум қилди.
Қайд этилишича, аввал Россияда ишлаган эр-хотин ўртасида рашк сабабли тез-тез жанжал бўлиб турган. Доимий жанжал ортидан аёл уч боласини олиб, ота уйига кетиб қолган.
Ажрашиш қарорига келган аёл эри билан учрашганида ўртада яна жанжал чиққан, эр фарзандларининг онасини ижтимоий тармоқларда бегоналар билан сўзлашиб юрганини иддао қилиб, уни пичоқлаб, воқеа жойидан қочиб кетган.
Судда айбини тўлиқ бўйнига олган эр ўз жиноятига хотинининг хиёнати ва болаларини кўрсатмай қўйганини важ қилиб кўрсатган.
Жиноят ишлари бўйича Ширин шаҳар суди судланувчини Ўзбекистон Жиноят кодексининг 97-моддаси (Қасддан одам ўлдириш) 2-қисми “ж” банди билан айбдор деб топиб, унга нисбатан 18 йиллик қамоқ жазосини тайинлаш қарорига келган.