Футбол фанатлари Қатарда ўтаётган жаҳон чемпионатида Франция ва Марокаш чоракфиналга чиққанини нишонлар экан, Париж кўчаларида тартибсизликлар уюштирди.
Париж кўчаларига чиққан минглаб одамларнинг айримлари Елисей даласидаги дўконларнинг витриналарини синдиришга ва шаҳар объектларига зарар етказишга ҳаракат қилди.
Полиция тартибсизликларнинг кучайиб кетишини олдини олиш мақсадида кўздан ёш сиздирувчи газ ва бошқа махсус воситалардан фойдаланди.
Daily Mail нашрининг ёзишича, Париж кўчаларига 20 мингга яқин футбол ишқибози чиққан. Тартибни 1200 полициячи сақлаган. Намойиш иштирокчиларидан камида 74 нафари қўлга олинди.
Марокаш Франциянинг собиқ мустамлакаси бўлгани учун бу ерда кўплаб марокашликлар ҳам истиқомат қилади. Шунинг учун Парижда икки ғалабани тенг нишонлашди.
Франция ва Марокаш 15 декабрда жаҳон чемпионати финалига чиқиш учун майдонга тушади. Шу куни полиция юқори шайлик даражасига келтирилади.
Марокаш шанба куни Португалияни 1:0 ҳисобида ютган эди. Франция эса Англияни 2:1 ҳисобида мағлуб этди. Марокаш футболда бу каби ютуққа эришган Африкадаги илк давлат бўлди.