Гвинеяда давлат тўнтариши ҳаракати амалга оширилди. Махсус топшириқлар бажарувчи қўшин жангчилари 5 сентябрь куни видеомурожаат ёйинлаб, мамлакатни 11 йилдан буён бошқариб келаётган президент Альфа Конде ҳибсга олинганини билдирдилар.
Гвинея Мудофаа вазирлиги давлат раҳбари қўлга олинганига оид маълумотни рад этиб, ҳужумчилар президент саройидан сиқиб чиқарилганини иддао қилди. Кейинроқ тўнтаришни амалга оширганларнинг лидери давлатга қарашли RTG телеканали орқали чиқиш қилишга муваффақ бўлиб, президентнинг қўлга олинганини тасдиқлади. Бу ҳақда Франция халқаро радиоси хабар қилди.
Déclaration du Lieutenant-colonel Mamady Doumbouya. Il annonce l%27arrestation du Président Alpha Condé ainsi que d%27autres mesures comme la dissolution de la constitution, des institutions en place, la fermeture des frontières.#Kaloum #Guinee #Kibaro pic.twitter.com/tvju4noImB
— Pàppa Ismaayla Jeŋ (@aliamsi) September 5, 2021
83 ёшли Альфа Конде Гвинеяни 2010 йилдан бери бошқариб келаётганди. 2020 йилда у қарийб 60 фоиз овоз билан учинчи муддатга қайта сайланганди.
Гвинея қонунчилигига мувофиқ, Конде ўз номзодини учинчи марта президентликка кўрсатиши мумкин эмасди – бу мамлакатда бир одам президентликка фақат икки марта сайлана олади, холос. Бироқ расмийлар аввалроқ Конституцияга ўзгартириш киритиш бўйича референдум ўтказишган, бунинг натижасида Конде ҳокимият тепасида қолишга муваффақ бўлганди.