Ўзбекистонда бундан буён ер ва мулк ажратиш ҳақидаги қарорларни бекор қилиш фақат ва фақат суд тартибида амалга оширилади. Бу ҳақда мамлакат президенти 22 августдаги тадбиркорлар билан мулоқот пайтида билдирган.
“Фурсатдан фойдаланиб, барча ҳокимларнинг эътиборини бир масалага қаратмоқчиман – мулк ҳуқуқига оид қарорларни улар томонидан бекор қилишга йўл қўйилмайди”, деган Шавкат Мирзиёев.
Президент матбуот хизматининг аниқлик киритишича, бу ўринда ҳуқуқ берувчи ҳужжатни фақат судгина ҳақиқий эмас, деб топиши мумкин бўлади.