Жорий йилнинг иккинчи чорагида Ўзбекистон олтин сотишни камайтирган. Бу ҳақда Жаҳон олтин кенгаши (World Gold Council) ҳисоботида айтилган.
Ташкилот қайдича, апрель ва май ойларида мамлакат хорижга бор-йўғи 1 тонна олтин экспорт қилган.
Аввалроқ Озодлик Ўзбекистон февраль ва март ойларида чет мамлакатларга 23 тонна олтин сотиб, дунёда энг кўп олтин экспорт қилган мамлакатга айлангани ҳақида хабар қилган эди.
Ўзбекистон 2023 йилда ҳам жами 25 тонна олтин сотган ва шу тариқа энг кўп олтин экспорт қилган мамлакатлар орасида иккинчи ўринни эгаллаганди.