Исроил 3 июль куни Иордан дарёси Ғарбий соҳилидаги Женин қочқинлар лагери атрофида фаластинлик жангариларга қарши йирик ҳарбий амалиёт бошлагани тўғрисида маълум қилди. Амалиётда юзлаб ҳарбийлар иштирок этмоқда.
Ғарб ахборот агентликлари ҳам бу сўнгги бир неча йил ичидаги йирик амалиёт эканига эътибор қаратган. Исроил армияси дронлардан зарбалар бермоқда, бульдозерлар ва зирҳли техникани қўлламоқда.
Фаластин томонининг билдиришича, амалиёт давомида 8 киши ҳалок бўлди, камида 50 киши яраланди
Исроил армияси Женинда фақат « террорчилар инфраструктурасига зарба бераётгани»ни билдирмоқда. Ҳарбийларга кўра, «Женин гуруҳи» радикал бирлашмасининг қўмондонлик пунктига, қурол оборхонасига, сўнгги ойларда Исроилга ҳужум уюштирганлар яширингани тахмин қилинаётган жойларга зарба берилди. Амалиёт пайтида Исроил камида 15 жангарини қўлга олгани маълум қилинди.
France-Presse агентлигининг ёзишича, Женин Фаластин қуролли гуруҳларининг таянч нуқтаси ҳисобланади. Мазкур ҳудудда фаластинликларнинг яҳудийларга, яҳудийларнинг эса арабларга ҳужумлари тез-тез содир этилади.
Исроил ва Фаластин ўртасида кескинлик кучайгани тўғрисида сўнгги марта май ойида хабар қилинганди. Ўшанда Исроил хавфсизлик кучлари Ғазо минтақасида «Ислом жиҳоди» гуруҳининг барча раҳбарлари йўқ қилинганини билдирган.
Исроил Ғарбий соҳилда йирик ҳарбий амалиёт ўтказмоқда
Ғарб ахборот агентликлари бу сўнгги бир неча йил ичидаги йирик амалиёт эканига эътибор қаратган.