Ўзбекистоннинг олтин-валюта захиралари жорий йилнинг 1 ноябрь ҳолатига 32 миллиард 904 миллион долларга ошган. Бу эса, Марказий банк ҳисоботидан келиб чиқилса, ўтган ойдаги кўрсаткичдан қарийб 1 миллиард 864 миллион долларга кўпдир.
Октябрь ойида МБ мамлакатнинг олтин-валюта захиралари 31 миллиард 39 миллион 300 минг долларга етгани ҳақида маълумот тарқатган эди.
Регулятор қайдича, ноябрь ойида захирадаги олтин қиймати 23 миллиард 972 миллион 400 минг долларни ташкил этган. Ўтган ой бу кўрсаткич 23 миллиард 95 миллион 500 минг долларга тенг эди.
Марказий банк маълумотига ишонилса, Ўзбекистоннинг олтин-валюта захираси апрель ойидан буён илк бора кўпаймоқда, бунгача у ой сайин камайиб келган.
Олтин-валюта захираси ҳар бир мамлакатнинг “қора кун”га асралган мулки бўлиб ҳисобланади.